10. September 2022

Der Skiclub Steinegg wird am 10. September 2022 zum zweiten Mal das "TANZ DICH SATT" durchführen. 

Hier die Nachricht, welche wir von unseren (blauen) SCS-Kollegen erhalten haben und euch gerne weiterleiten:

Am nöchste Samstig fönded z’Stenegg ufem Schuelhusplatz s’zweite Mol s’TANZ DICH SATT statt. Abem 11:30 chame sich bi diverse Foodständ dös ganze Sortiment döri probiere. Sei’s nebes chäsigs vom Chäs Sutter ode asiatsich vo Meschrüti, es het fö ali nebes debei! Dass me d’Kalorie au gad wiede usi schwitzt, weerid acht verschiedeni Bands de ganz Tag Stimmig mache. Fö de Höhepunkt vom Obed sorgt Crown wo abem 23:00 de Schuelhusplatz wiede zom bebe wed bringe. Abe au föd Goofe gets Ondehaltig – so hets da johr nebst de Mohrechopfmaschiene au e Hüpfburg ufem Festivalglend. Am Iigang cha jede ond jedi sölbe entscheide wöfel dasme wet zahle. Alli iitrett chönnd voll und ganz de JO vom Skiclub Stenegg z’guet. Chönnd vobei ond gnüssid en gmeütliche Nomitag bi ös! Me vom Skiclub Stenegg ond s’ganze OK freut sich uf eu!

Luegid doch uf ösere Websiite (www.scsteinegg.ch/tanzdichsatt) ode uf ösem Instagram-Kanal vobei (@tanzdichsatt) fö wiiteri Infos ond Programm.»